Бажы кызматына жаңы жетекчи дайындалды

Бажы кызматынын полковниги Исабеков Самат Кыргыз Республикасынын Экономика жана каржы министрлигине караштуу Мамлекеттик бажы кызматынын төрагасы болуп дайындалды.

Тиешелүү буйрукка Кыргыз Республикасынын министрлер кабинетинин төрагасы Улукбек Марипов 2021-жылдын 7-июнунда кол койгон.

1996-жылдан бери бажы тармагында иштеп келген Самат Исабековду министрлер кабинетинин төрагасынын орун басары — Экономика жана каржы министри Акылбек Жапаров жамаатка тааныштырды.