БШК: Парламенттик шайлоого 393 эл аралык байкоочуну каттады

24-ноябрда Борбордук шайлоо комиссиясы 30-ноябрда белгиленген Жогорку Кеңештин депутаттарын мөөнөтүнөн мурда шайлоого катышуу үчүн 393 эл аралык байкоочуну каттады. БШКнын токтому менен төмөнкү уюмдардын өкүлдөрү эл аралык байкоочу катары катталды.

 — Филиппиндин Шайлоо боюнча комиссиясы;

— Көз карандысыз мамлекеттер шериктештигинин байкоочулар миссиясы;

— Түштүк Кореянын Кыргызстандагы элчилиги;

— Түркия Республикасынын элчилиги;

— Кытай Эл Республикасынын элчилиги;

— Иран Ислам Республикасынын элчилиги;

— Германиянын элчилиги;

— Моңголиянын элчилиги;

— КМШнын парламенттер аралык ассамблеясы;

— Европа кеңешинин парламенттик ассамблеясы;

 — Шанхай кызматташтык уюму;

— Европа коопсуздук жана кызматташтык уюмунун Демократиялык институттар жана адам укуктары боюнча бюросу.

Бүгүнкү күнгө карата Жогорку Кеңештин депутаттарын мөөнөтүнөн мурда шайлоого жалпысынан 770 эл аралык байкоочу катталды.