Кыргызстан мусулмандар дин башкармалыгынын имаратынын алдында митинг өтүүдө.

Муфтияттын алдына 10го жакын киши чогулганын, мындан сырткары, аларга байкоо салган адамдар жана журналисттер жүргөнүн жеринен кабарчылар билдирди.

Митингге чыккандар ал жерге боз үй тигип алышкан.

Нааразылыкка чыккандардын бири өзүн Токтобай Назаралиев деп тааныштырып, муфтийди Аалымдар кеңеши эмес, Кыргызстандын ар кайсы райондорунда жашаган эл шайлашы керек деген талап коюп жаткандыгын билдирди.