Кадамжайда Молдо Нияздын мектеп-үңкүрү реконструкцияланып жатат

Баткен облусунун Кадамжай районунун Кызыл-Булак айылындагы Молдо Нияздын мектеп-үңкүрүндө реконструкциялоо иштери жүрүп, айланасы көрктөндүрүлүүдө.

19-кылымда алгачкы агартуучу, кыргыз жазма адабиятынын көч баштоочусу Молдо Нияз дал ушул үңкүрдө балдарга билим берген.

Мектеп-үңкүрү Молдо Нияздын 200 жылдыгына карата толук оңдоодон өтүп, пайдаланууга берилет. Мындай маалыматты журналист, “Молдо Нияз мурастары” коомдук фондунун өкүлү Азамат Абсаттаров Facebook социалдык тармактагы баракчасына бөлүшкөн.