Нарын дарыясына түшүп кеткен эки кыз изделүүдө

Нарын дарыясына түшүп кеткен 2 жана 4 жашар кыздарды издөө иштери уланууда. Ага ӨКМдин Нарын шаардык №16 Өрт куткаруу бөлүгүнөн 11 куткаруучу чыкты. Ал эми ИИМден 10 кызматкер тартылды.12-май күнү Нарын шаарында Нарын дарыясынын жээгинен 2019-жылы туулган Ж.Р. аттуу кыз жоголгондугу тууралуу маалымат түшкөн.
Ошондой эле 14-май күнү Нарын шаарынын Запин тилкесинде Нарын дарыясына 2020-жылы туулган А.И. аттуу кыз түшүп кеткендиги тууралуу кабарланган.