Бүгүн олимпиадада кыргызстандык эки спортчу күч сынашат

Бүгүн Париждеги XXXIII жайкы Олимпиада оюндарында кыргызстандык спортчулар Сардана Трофимова менен Айпери Медет кызы күч сынашат.

Трофимова саат 12:00дө баштала турган марафондо чуркайт.

Айпери Медет кызы коло медаль алуу үчүн күрөшмөкчү, азырынча анын атаандашы белгисиз. Беттештер саат 15:00дө башталат.

Ал эми Эрназар Акматалиев коло медаль үчүн күрөшүү мүмкүнчүлүгүнөн ажырады. Себеби аны жеңип алган венгриялык Исмаил Мусукаев жарым финалда утулуп калды.

Ошону менен бүгүн Париждеги Олимпиада аяктайт.