Ош шаарында жол куруу үчүн буздурула турчу 37 объектинин ээлерине жалпы 67,8 млн сом компенсация төлөнөт

Маалым болгондой, Ош шаарындагы Турсунбаева көчөсүн Ош — Бишкек трассасына бириктирүү үчүн кызыл сызыкка кирип калган үйлөр буздурулат. 

Ал курулуштардын ээлерине бир жолку материалдык жардам катары 67,8 млн сом кенемте бөлүү тууралуу токтомго минкаб төрагасы кол койду. 

Ош облустук өкүлчүлүк жалпы 37 курулуш ээсине компенсация каралганын, анын бешөө коммерциялык жай экенин билдирди. Каражат республикалык бюджеттен бөлүнөт.