Жалал-Абаддын атын Манас кылып өзгөртүүгө 15 млн сом сарпталат

Жалал-Абад шаарын Манас деп өзгөртүү үчүн болжол менен 15 млн сом талап кылынат. Бул тууралуу Министрлер кабинети маалымдады.

Маалыматка ылайык, чыгымдар демилгечи болгон Жалал-Абад шаардык мэриясынын мойнуна жүктөлөт.

Каражат төмөнкүлөргө жумшалат:

• флагштоктогу «Жалал-Абад» жазуусун алмаштыруу,
• шаардагы аталыштар менен тактайчаларды жаңыртуу,
• мөөр жана почта даректерин өзгөртүү,
• шаардык кызматтар жана уюмдардын документтерин кайра каттоо.

Бул иштер мыйзам күчүнө киргенден кийин алты ай ичинде аткарылышы керек.