УКМК кызмакерлеринин кесиптик майрамына карата кичи-футбол боюнча мелдеш өттү
Бул тууралуу УКМКнын маалымат борборунан билдиришти.
Маалыматта айтылгандай, бүгүн, 2024-жылдын 1-декабрында Улуттук коопсуздук органдарынын кызматкерлеринин күнүнө карата уюштурулган кичи-футбол боюнча мелдеш аяктады.
Аталган турнирге УКМКнын Борбордук аппаратынын, аймактык башкармалыктардын, ошондой эле КР УКМК Чек ара кызматынын жана УКМКнын 9-кызматынын кызматкерлери жана УКМКнын ардагерлери катышты.
Кичи-футбол боюнча мелдештин жыйынтыгы төмөнкүдөй:
1 – орунду КР УКМКнын Чүй облусу боюнча башкы башкармалыгы;
2 – орунду КР УКМКнын Баткен облусу боюнча башкы башкармалыгы;
3 – орунду УКМКнын “Маалымат коопсуздук борбору” мамлекеттик мекемеси;
4 – орунду КР УКМКнын Жалал-Абад облусу боюнча башкы башкармалыгы;
5 – орунду КР УКМКнын «АЛЬФА» атайын багыттагы кызматы ээледи.
Турнирдин жалпы жыйынтыгы боюнча жеңүүчүлөргө кубоктор, грамоталар жана акчалай сыйлыктар тапшырылды.
Мелдештин салтанаттуу жабылуу аземинде КР Министрлер Кабинетинин Төрагасынын орун басары — УКМК төрагасы генерал-полковник К.Ташиев куттуктоо сөзүн сүйлөп, турнирге катышкан жалпы кызматкерлерге ыраазычылык билдирди. Төрага спортту өнүктүрүүнүн жана кызматкерлердин ыкчам-кызматтык ишмердүүлүгүнүн жогорку натыйжалуулугун камсыз кылуунун өбөлгөсү катары аскер кызматчыларынын дене-тарбия даярдыгынын деңгээлин жогорулатуунун маанилүүлүгүн белгилеп, өздүк курамга тиешелүү тапшырмаларды берди.
