Кырчын жайлоосундагы кырсык. 1 киши каза болуп төртөө ооруканага жеткирилди — ФОТО

Ысык-Көл облусунун Тоң районунда Кырчын тилкесинде ГЭС курулуп жаткан жерге жүк ташып бара жаткан КамАЗ унаасы сайга кулап кетти. Бул тууралуу ӨКМнын басма сөз кызматынан билдиришти.

Кырсыктын кесепетинен 1 эркек киши каза болуп, 4 эркек киши жабыркаган. Учурда алардын аты-жөндөрү такталууда.

Жерине ӨКМнын Тоң райондук №38 өрт куткаруу бөлүгүнүн авариялык куткаруу унаасы менен 5 куткаруучу тартылып жеринде каза болгон адамдын жансыз денесин унаадан чыгарышып, ИИМдин кызматкерлерине өткөрүп беришкен.

Ал эми жабыркаган адамдар менчик унаа менен ооруканага жеткирилген.