ӨКМ: Бишкекте жатаканадан өрт чыгып, эки адам жабыркады

Бишкек шаарынын Ленин районундагы Махатма Ганди көчөсүндө жайгашкан жатаканадан өрт чыкты. Бул тууралуу Өзгөчө кырдаалдар министрлигинин басма сөз кызматы билдирет.

Маалыматка ылайык, өрттү өчүрүүгө 2 бөлүм, 1 суу ташуучу унаа жана штаб тартылган.

Өрт саат 14:29да чектөөгө алынып, учурда өрттү толук өчүрүү иштери жүргүзүлүүдө.

Алдын ала маалымат боюнча, имараттан үч жаран эвакуацияланып жана эки жаран жабыркап, тез жардам унаасы менен ооруканага жеткирилди.

Кошумча маалымат берилет.