Кыргызстандагы диний чөйрөдөгү мамлекеттин саясатын ишке ашыруу боюнча жолугушуу болду

Бүгүн, 22-февралда Кыргыз Республикасынын Дин иштери боюнча мамлекеттик комиссиясынын алдындагы Диний кырдаалды изилдөө борбору диний чөйрөдө долбоордук иш-аракеттерди жүзөгө ашыруучу эл аралык уюмдардын, диний жана бей өкмөт уюмдардын өкүлдөрүнүн катышуусунда  2023-жылга карата иш планы менен тааныштыруу жана изилдөө темаларын талкуулоо боюнча координациялык жолугушуу өткөрүүдө.

Координациялык жолугушуунун негизги багыты 2021-2026-жылдарга Кыргыз Республикасынын диний чөйрөдөгү мамлекеттик саясатынын Концепциясын ишке ашыруу максатында биргеликте иш-чараны алып баруу, көйгөйлөрдүн алдын алуу жана натыйжалуу чечүүнү көздөйт.