Казакстанда 3 жашар баланы сабап өлтүрүүгө шектелген бала багуучу аял он жылга соттолду
Талдыкорган шаардык соту 3 жашар баланы өлтүрүүгө шектелген бала багуучуга өкүм чыгарды, деп билдирет Tengrinews.kz Жетисуу облустук сотунун басма сөз кызматына таянуу менен.
Эске салсак, кылмыш 2022-жылы күзүндө Жетисуу облусунда болгон. Үч жашар наристе бир жаштагы иниси менен бирге бала багуучунун үйүндө күнү-түнү көзөмөл астында болгон. Балдардын апасына 12-сентябрь күнү ал телефон чалып, баланын абалы жакшы эмес экенин айткан.
Наристе ооруканага жеткирилип, ал ошол жерден чарчап калган. Дарыгерлер наристенин денесинен көптөгөн жаракаттарды таап, башынан оор жаракат алган деген диагноз коюшкан. «Менин бала багууга карызым бар болчу, ал балдарды бербей койду. Карызды төлөйм деп тил кат жазып берүүнү сунуштадым. Бирок ал көнгөн жок. Денесинин баары көгөргөн, соо жери жок. Ал баламдын кулап кеткенин айтты», — деди маркум баланын апасы Мадина Таукенова.
Жүргүзүлгөн иликтөө иштеринин алкагында бала бир нече жолу ур-токмокко алынганы аныкталган. Сот бардык жагдайларды эске алып, аны 10 жылга эркинен ажыраткан.
