Акылбек Жапаров жасалма интеллект ага жаңы байпак сатып алууну сунуштаганын айтты

«Белгилүү маркетплейс мага байпак сатып алууну сунуштаганда, мен байпактарым чын эле эскирип калганын көрүп таң калдым. Жасалма интеллект менин кызыма караганда көбүрөөк билеби же ушунчалык камкорбу?» — деп суроо салды Жапаров. 

Эске салсак, ушул тапта Бишкекте электрондук сооданы өнүктүрүү боюнча E-COMKG 2023 эл аралык форуму өтүп жатат. 

Анда сүйлөп жатып өкмөт башчы электрондук коммерцияда жасалма интеллект жигердүү колдонулуп, ал тургай адамдын муктаждыктары жөнүндө анын жакындарына караганда көбүрөөк билип жатканын айтты.