Белгилүү хирург Эрнст Акрамовдун сөөгү «Ала-Арча» көрүстөнүнө коюлду

Коштошуу зыйнаты А.Малдыбаев атындагы Опера жана балет театрында өтүп, ага бийлик өкүлдөрү, жакындары катышкан. 

Эрнст Акрамов КР баатыры, көрүнүктүү окумуштуу-хирург, медицина илимдеринин доктору, профессор, эмгек сиңирген дарыгер. 

Ал Реконструкция-калыбына келтирүү хирургия илимий борборун жетектеп, дарылоонун инновациялык ыкмаларын киргизген. Медик илимдин 17 докторун жана кандидатын даярдап, 350дөн ашык илимий эмгек жазып, 23 патент алган. Ага мамлекеттик Алтын шумкар медалы, Данакер ордени ыйгарылган.