Кыргызстанда гепатит, сифилис, кызамык менен ооругандардын саны көбөйдү
2023-жылдын январь-сентябрь айларында гепатит жана сифилис менен ооруганардын саны кескин көбөйдү. Бул тууралуу Улуттук статистика комитетинин 9 айдын жыйынтыгы боюнча отчетунда айтылат.
Өткөн жылдын январь-сентябрь айларына салыштырмалуу гепатиттин ар кандай түрү менен ооругандардын саны 2,1 эсеге, сифилиске чалдыккандардын саны 1,4 эсеге өстү.
2023-жылы балдар арасында кызамык күч алды. Өткөн жылдын бул мезгилинде кызамык катталган эмес, быйылы 2 миң киши ооруду.
Ошол эле учурда кургак учук 6,5 пайызга аз катталып, анын 1,2 пайызга Талас облусунда көбөйүшү байкалган.
Саламаттыкты сактоо министрлигинин маалыматында, 9 айда 29 миң бейтап инфекциялык, паразиттик жана сасык тумоо менен кайрылган.
Статистика комитети, биттеп кеткендердин жана котур болгондордун саны азайганын белгилейт.
