Ош шаарында милициянын кайгуул кызматынын кызматкерлери үчүн саптык кароо өткөрүлдү
2023-жылдын 6-июнунда Ош ШИИБи боюнча МККБнын кызматкерлерине жайкы туристтик сезондун ачылышына байланыштуу саптык кароо өткөрүлдү. МККБнын өздүк курамынын саптык кароо-тескемеси башчы милициянын подполковниги Айбек Джумагулов өзү өткөрдү.
Саптык кароодо милициянын кайгуул кызматынын кызматкерлеринин кийим-кечеги, кызматтык күбөлүктөрү жана кызматтык унаалардын абалы текшерилип, орун алган кемчиликтерди оңдоо боюнча тапшырмалар берилди.
Аталган иш-чаранын максаты өздүк курамынын саптык даярдыгынын жөндөмдүүлүктөрүн өнүктүрүү, кызматкерлердин сырткы үлгүлүү көрүнүшүн жана ыкчам-кызматтык тапшырмаларды аткарууда күжүрмөн даярдыгын колдоо.
Башчы тарабынан Ош шаарынын аймагына келген туристтерге сервистик кызмат көрсөтүү жана алардын коопсуздугу боюнча жол, коомдук коопсуздук боюнча бөлүм башчыларга жана командирлерге тапшырмалар берди.
