Бишкек шаардык кеңеши тыныгууга тарады

Буга чейин ЖМКларда депутаттык корпус өзүн-өзү таркатышы мүмкүн деген маалымат чыккан.

Төрага Куванычбек Конгантиев административдик-аймактык реформага байланыштуу борбор калаанын аянты кеңейип, депутаттык корпус 45тен 235 адамга чейин көбөйтүлөрүн айтты. Ал эми тыныгуу уюштуруу маселелерин чечүү жана сессияны толук кандуу өткөрүү үчүн жарыяланганын түшүндүрдү. 

Мэр Айбек Жунушалиев шаардык депутаттарга муниципалитет жалпы отурумду өткөрүүгө шарт түзүп берүүгө даяр экенин айтты. Шаардык кеңеш калган маселелерди жабык эшик артында талкуулай турган болду.