Ташиев Талас — Тараз жолун эки жылда оңдоп бүтүрүүнү тапшырды

“Суусамыр — Талас — Тараз жолун реконструкциялоо долбоору бар. Суусамырдан Таласка чейинки жол 10 жылдан ашык оңдолду. Жылда аз-аздан жасап коет, ал кайра бузулуп кетет, ошентип отуруп Таласка араң жеттик. Эми эки жылда, 2025-2026-жылдарда Талас — Тараз жолун бүтүрүшүбүз керек. Бул маселени көзөмөлүмө алдым, азыр Транспорт министрлиги менен иштеп жатабыз, жакында жумуш башталат. Суусамыр — Таластай кылып дагы 15 жыл куруп отурбайлы. Эми Таласка көбүрөөк көңүл бурушубуз керек”, — деди УКМК төрагасы.