Чыңгыз Кожошев Жазаларды аткаруу мамлекеттик кызматынын төрагасы болду

Президент Садыр Жапаров кол койгон тескемеге ылайык КР Конституциясынын 71-беренеси жетекчиликке алынып, Кожошев Чыңгыз Эргешбаевич министрлер кабинетине караштуу Жазаларды аткаруу мамлекеттик кызматынын төрагасы болуп дайындалды.

Эске сала кетсек, ал Жазаларды аткаруу кызматын 2024-жылдын декабрь айынан тарта жетектеп келген. Ал эми президенттин жарлыгына ылайык, 2025-жылдын февраль айынын башында Юстиция министрлигине караштуу Жазаларды аткаруу кызматынын базасында министрлер кабинетине караштуу Жазаларды аткаруу мамлекеттик кызматы түзүлгөн.