Бишкекте Бөкөнбаев көчөсүнүн бир бөлүгү жабылат

4-майдан 5-июнга чейин Бөкөнбаев көчөсүнүн Шопоков көчөсүнөн Үсөнбаев көчөсүнө чейинки бөлүгү убактылуу жабылат.

Муниципалитеттен билдиришкендей, бул убакта диаметри 300 мм болгон жылуулук тармагы алмаштырылат.

«Аталган тилкеде жайгашкан жылуулук тармактары 1984-жылдан бери пайдаланылып келе жатат, түтүктөрдүн  эскиршине байланыштуу тармактарды жаңыртуу талап кылынат», — деп айтылат маалыматта.

Бишкек мэриясы убактылуу ыңгайсыздыктарды түшүнүү менен кабыл алууну суранат жана киргизилген чектөөлөрдү эске алуу менен жол жүрүү каттамдарын алдын ала пландаштырууну сунуштайт.