Жаңы төрөгөн ымыркайын таштандыга ыргыткан келинге соттун чечими чыкты

Жалал-Абад шаардык соту жаңы төрөгөн ымыркайын Спутник кичи шаарчасындагы акыр-чикир таштоочу жайга таштап кеткен келинге чечим чыгарганын соттун маалымат кызматы кабарлады.

Белгилүү болгондой, Т. Э. И. Кылмыш-жаза кодексинин «Жаңы төрөлгөн ымыркайды энеси өлтүрүүгө аракет кылган» беренеси боюнча күнөөлүү деп табылды. Сот аны бир жылга шарттуу көзөмөлгө алуу чечимин чыгарды.

Эске салсак, 2023-жылдын ноябрь айында Жалал-Абад шаарындагы Спутник кичи шаарчасында акыр-чикир таштоочу жайдан жаңы төрөлгөн кыз табылган. Кийин кыздын 18 жаштагы энеси убактылуу жашаган батириндеги жуунуучу жайдын ичинен төрөп, кызын кийимге ороп, коркконунан таштандыга ыргытканы маалым болгон.