Чехиядагы парламенттик шайлоодо АНО кыймылы жеңип чыкты

Чехия парламентинин төмөнкү палатасына болгон шайлоодо мурдагы премьер-министр Андрей Бабиш жетектеген ANO кыймылы жеңишке жеткенин статистикалык мекеме билдирди.

Эки күндүк добуш берүү ишемби күнү жыйынтыкталып, шайлоочулардын 68,95% катышты.

«АНО кыймылы 34,51% добушка ээ болуп, 1 миллион 940 миң 507 шайлоочу добуш берди», — деп айтылат билдирүүдө.

Башка жыйынтыктар:

Азыркы премьер-министр Петр Фиала жетектеген SPOLU («Бирге») коалициясы 23,36% добуш алды;

STAN («Мэрлер жана көз карандысыздар») кыймылы 11,23% алды;

Чехиянын каракчылар партиясы 8,97% алды;

SPD («Эркиндик жана түз демократия») кыймылы 7,78% алды;

“Автомобильчилер” кыймылы 6,77% алды.

Калган 20 саясий күч 5%дик босогодон өтө алган жок. Фиала белгилегендей, шайлоо Чехиянын Батышка карай жыларын же чыгышка буруларын аныктайт.