Сауд Аравиясынан 121 кыргызстандык мекенине алынып келинди

«Flynas» авиакомпаниясынын чартердик каттамы менен ошондой эле 39 казакстандык жаран учуп келди

Бүгүн, 1-июлда Кыргыз Республикасынын Тышкы иштер министрлиги «Flynas» авиакомпаниясынын чартердик учагы менен «Даммам – Бишкек» каттамы боюнча КРнын 121 жаранын Сауд Аравиясынан алып келүү маселесин ишке ашырды. Алардын көбү — студенттер.

Аталган каттам менен ошондой эле Казакстандын 39 жараны учуп келип, алар «Манас» аэрпортунан атайын унаа менен коңшу казак өлкөсүнө алынып кетишти.

Учурда бардык келгендер обсервацияга алынып, тийиштүү медициналык жол-жоболор аткарылууда.