Казарманда коронавирустун экинчи толкунуна даярданууда

«Макмал гол компани» компаниясынын жетекчилиги коронавирустун таралышынын алдын алуу максатында Тогуз — Тороо районуна материалдык колдоо көрсөттү.

Анын алкагында Турцияда жасалган сапаттуу эки «кислород концентрат» аппараты алынды, жакын арада райондук ооруканага тапшырылат. Тогуз-Тороо райондук ооруканын башчысынын айтымына каранда, аталган аппараттар коронавирустун экинчи толкунуна туруштук берүүгө чоң өбөлгө түзөт.

Май айында Казарманда коронавирустун 4 учуру катталса, июнь айында 8 учур катталган. Бир бейтап каза болгон. Учурда абал туруктуу, ага карабастан өкмөттүн тапшырмасына ылайык, алдын ала даярдык иштери кызуу жүрүүдө.