Президент Ташиевдин кызматтан кетишинин себебин айтты

Президент Садыр Жапаров Камчыбек Ташиевдин УКМК төрагасы жана министрлер кабинетинин төрагасынын орун басары кызматынан бошотулушу боюнча комментарий берди. Анын сөзүн маалымат катчысы Аскат Алагөзов жарыялады.

“Эң биринчи кезекте мамлекетибиздин кызыкчылыгы үчүн, коомчулукта, анын ичинде мамлекеттик түзүмдөр ортосунда да бөлүнүп-жарылууга жол бербей, тескерисинче, биримдикти чыңдоо максатында ушундай чечим кабыл алдым”, — деген Жапаров.