Сары-Челек жана «Кыргыз-Ата» биосфералык коруктарына өткөрүү пункттары курулат

Сары-Челек мамлекеттик биосфералык коругунда жана «Кыргыз-Ата» мамлекеттик жаратылыш паркында заманбап өткөрүү пункттары курулат. Бул тууралуу Жаратылыш ресурстары, экология жана техникалык көзөмөл министрлиги билдирди.

Маалыматка ылайык, бул боюнча министрлик менен «Кыргызстройсервис» мамлекеттик ишканасынын ортосунда тиешелүү келишимге кол коюлду. Долбоордун жалпы суммасы 80 млн сомго жакын каражатты түзөт.

Мындан тышкары, өлкө боюнча дагы 16 мамлекеттик жаратылыш паркында жана коруктарында толугу менен автоматташтырылган өткөрүү пункттарын орнотуу пландалууда.