Кыргызстанда адамга күйдүргү жуккан учур катталды

Жалал-Абаддан келген бейтапка диагноз 9-май күнү Бишкектеги оруканалардын биринде коюлган. 

Иликтөөнүн жүрүшүндө айылдардын биринде мал союлуп, эти таратылганы белгилүү болгон. 

Мамлекеттик санитардык-эпидемиологиялык көзөмөлдөө борборунан азыркы тапта бир адамдан илдет аныкталганын билдиришти. 

ЖМКлар бир нече адамдан күйдүргүнүн белгилери байкалганын жазышууда. 

Күйдүргү — жер кыртышында узак жылдар бою сакталып, адамдарга жана жаныбарларга коркунуч алып келген бактериялык жугуштуу дарт.