Түндүк-Түштүк альтернативдүү жолунун ачылышы кийинки жылга жылдырылды

Транспорт министрлиги трассага кошумча 3 эстакадалык көпүрө жана кар көчкүдөн коргой турчу 2 галерея салынарын айтып, ачылышы ушул себептен улам жылганын белгиледи. 

Мындан тышкары, Барпы айылынан Сафаровка айылына чейин 25 чакырым айланма жолду куруу пландалууда. Министрлик бул жумуштар болжол менен 2025-2026-жылы аткарыларын кошумчалады. 

Өлкөнүн түндүк жана түштүгүн бириктирген альтернативдүү жолдун жалпы узундугу 433 чакырымды түзөт. Анын 200гө жакын чакырымы мурда жол жок жерлерге салынган.