“Учкун” басмаканасы кыргыз сомун чыгара баштады

Бүгүн президент Садыр Жапаров аталган ишканага барып, күйүүчү майды маркалоо, акциздик маркаларды жана паспортторду даярдоо боюнча өндүрүш процесси менен таанышкан. 

Президентке “Учкунда” улуттук валюта чыгарыла баштаганы кабарланды.

Улуттук банктын төрагасы Мелис Тургунбаев биринчи этапта майда номиналдагы купюралар басып чыгарыларын, бул эски банкноталарды тез арада алмаштырууга мүмкүндүк берерин белгиледи. 

Андан соң Жапаровго Кыргызстанда басылып чыккан улуттук валютанын алгачкы үлгүсү көрсөтүлдү.