Камчыбек Ташиев ЖКда бажычылар жана Эсеп палатасынын аткаминерлери кармалганын айтты

«Эки күн мурун салыкчыларды кармадык эле. Түнү менен бажычылар менен чабышып чыктык. Кечээ ошол жактан келдим. Жети-сегиз бажычы колго түштү. Кара-Суудагы Раим Матраимовдун терминалын мамлекетке алып койгонбуз. Ошол жерде бажычылардын уюшкан уюгун талкаладык. Таңга маал Эсеп палатасынын түндүк жагы боюнча башчысын эки инспектору менен кармадык. Буларды барып эле кармап алып жаткан жокпуз, видего тартып, алар боюнча иш жүрүп жатат. Анткени кылмышын далилдешибиз керек», — деди Ташиев.