Айдаркен шаарчасында энени сабаганга шектүү жаран кармалды
Фейсбук тармагында «Айдаркен шаарчасында тажиктер сүрөттөгү энени сабап салышкан» деген маалыматты таркатышууда.
Бул тууралуу Баткен ОИИБнын Басма сөз кызматы төмөнкүдөй маалымат берет.
2021-жылдын 18-декабрь күнү болжол менен саат 14:20 чамасына Кадамжай районунун Бирлик айыл аймагынын Сур айылынын 7-көчөсүнүн тургуну 30жаштагы А.Ү. (улуту кыргыз) өзүнүн чон-энеси (женеси) Бирлик айыл аймагынын Сур айылынын тургуну 61жаштагы М. Зны Айдаркен шаарындагы соода базарынан үйүңүзгө жеткирип коемун деп алдап, өзү башкарып жүргөн “ДеуМатиз” маркасындагы автоунаасына салып, Айдаркен-Сох автоунаа жолу аркылуу кетип жатып “менин апамды бакшы, көзү ачык, молдого ысытма-суутма кылып сен майып кылып койгонсун”- деп, автоунаасын токтотуп унаанын арткы эшигин ачып уруп денесине жараат келтирүүнү көздөп уруп- сабап, адамдын эркине каршы аракеттерди атайлап жасаган.
Бул факты Кадамжай РИИБнин КБРне Кыргыз Республикасынын КЖКнин 280-берене (Бейбаштык) менен сотко чейинки өндүрүш иши козголуп, Сур айылынын 30жаштагы А.Ү. кармалып, тергөө амалдары жүрүп жатат,-деп айтылат маалыматта.
