Коом
Алматыда сабалган Чолпонбек Сыдыков өлкөгө алып келинди
Алматыда сабалган Кыргыз жараны Чолпонбек Сыдыков өлкөгө алып келинди. Бул тууралуу Тышкы иштер министрлигинин маалымат кызматынан билдиришти.
«Бүгүн, 20-январда Кыргыз өлкөсүнүн Алматы шаарындагы Башкы консулдугу тарабынан Чолпонбек Сыдыков атайын медициналык унаа менен «Ак-Жол» көзөмөл-өткөрмө пунктуна чейин алып келинди.
Аны көзөмөл-өткөрмө пунктунан тосуп алып, андан ары тийиштүү медициналык мекемеге жайгаштыруу уюштурулууда», — деп билдиришти министрликтен. Учурда министрлик Казакстан тарап менен Сыдыковго байланыштуу окуянын бардык жагдайларын тактоо жана анын ден соолугуна оор залал келтирген күнөөлүүлөрдү жоопкерчиликке тартуу боюнча тиешелүү иштерди жүргүзүүдө.
