Кадамжайдагы тоодо койчу сумкадан ымыркайдын жансыз денесин таап алды

Баткен облусунун Кадамжай районунда жаңы төрөлгөн баланын жансыз денеси табылды. Бул тууралуу  Баткен облустук ички иштер башкармалыгынан билдиришти.

«Кадамжай районунун Миң-Жылга аймагындагы тоодон койчу кой кайтарып жүрүп, сумка таап алган. Сумканын ичин ачканда ымыркайдын жансыз денеси чыккан. Учурда ымыркайдын сөөгү экспертизага берилип, бул боюнча тергөө иштери башталды», — деп билдиришти Баткен облустук ички иштер башкармалыгынын басма сөз кызматынан.