Акылдуу эсептегичтер кошумча төлөм алабы? NESK комментарий берди
NESK орнотулган кубаттуулуктан ашып кетсе эмне болот деген суроого жооп берди.
Акыркы учурда социалдык медиада акылдуу эсептегичтер тууралуу туура эмес маалыматтар таралууда, деп билдирет Кыргызстандын Улуттук электр тармагы. Компания колдонуучуларды расмий жана текшерилген маалыматка гана ишенүүгө чакырат.
«Эгерде абонент электр энергиясын колдонуп жатканда орнотулган кубаттуулуктан ашып кетсе, акылдуу эсептегич автоматтык түрдө өчөт деп айтылып жатат. Аны кайра күйгүзүү үчүн, жөн гана үйдөгү бардык электр шаймандарын өчүрүп, эсептегичтин баскычын басыңыз — ал кайра иштейт. Кошумча төлөм алынбайт! Социалдык медиада «170 сом кошумча төлөм» тууралуу таратылып жаткан маалымат чындыкка дал келбейт», — деп билдирди Кыргызстандын Улуттук электр тармагы.
