Чүйдө адам өлтүрүүгө аракет кылган шектүү кармалды

Чүйдө адам өлтүрүүгө аракет кылууга шектелген жаран кармалды. Бул тууралуу Чүй ОИИБден билдиришти.

29-августта Ысык-Ата районунун ооруканасына Новопокровка айылынын 1971-жылы туулган тургуну башына бычактан алган жаракаты менен түшкөн. Маалымат милицияга берилген. Аталган факты боюнча Жазык кодексинин 37-122-беренеси (адам өлтүрүүгө аракет кылуу) менен кылмыш иши козголгон.

Кылмышка шектелип 1975-жылы туулган жаран кармалып, камакка алынган. Алдын ала айтылган маалыматтарга караганда, мас абалында экөөнүн ортосунда чыр чыккан.