Жогорку Кеңеште «Мадина» базарын жылдыруу сунушталды

Жогорку Кеңештин 8-сентябрдагы жыйынында депутат Шайлообек Атазов  Бишкектеги “Мадина” базарын жылдырууну сунуштады.

Анын айтымында, Ак-Тилек—Турбаза конушунда 3 гектар бош жер бар.

“Ал жерге муниципалдык базар курса болот. Бүгүнкү күндө “Мадина” базарында унаа тыгынынан улам кызыл сызыктан чыгып кеткен имараттар бар. Ал жерде бак-дарактарды отургузуп, балдар үчүн аттракциондорду коюуга, дарыкана курууга болот. Базарды Турбазага которууга болот. Жаңы конуштун көптөгөн тургундары жумуш менен камсыз болушат”, — деди ал.