Базар-Коргондо күнүнө миң самын чыгаруучу чакан ишкана ачылды

Жалал абад облусуна караштуу Базар-Коргон районунда самын чыгаруучу кичи ишкана ачылды. Бул тууралуу Эмгек министрлигинен билдиришти.

Базар-Коргон районунун тургуну Айгүл Жуманазарова Эмгек министрлигинен жөлөк пул алганына карабай акыркы эки жыл бою өзүнүн кичи бизнесин баштоого аракет кылып самын чыгаруу боюнча окуп келген. Тилекке каршы, ишин баштоого шарты болгон эмес, «Социалдык контракт» долбоору башталышын угуп, ага каттышып 100 миң сом алып, азыркы учурда күнүнө миң самын чыгаруучу өндүрүштү ачкан.