Бишкек шаардык кеңешинин депутаты лифтте кырсыкка кабылганын айтты
Айбек Дунканаев Бишкек шаардык кеңешинин ЖКХ жана транспорт боюнча комиссиясынын жыйынында өзү 9-кабаттан 2-кабатка чейин кулап түшкөн лифттеги кырсыкка кабылганын билдирди.
Депутаттын айтымында, окуя жыл башында болгон. Ал учурда лифттин ичинде эки адам болгон.
«Биз түз эле ылдый кулап бараткандай болдук. Авариялык система иштеп кеткени гана сактап калды», — деди ал борбордогу лифт чарбасынын абалын талкуулоо учурунда.
Окуядан кийин жүргүнчүлөрдү авариялык кызматтын кызматкерлери жана үйдүн тургундары эвакуациялашкан.
Жыйын учурунда «Бишкекгорлифт» муниципалдык ишканасынын директору Руслан Жэналиев шаардагы 899 лифттин баары жыл сайын техникалык текшерүүдөн өтөрүн билдирди.
Бирок Дунканаев белгилегендей, алардын 410у пайдалануунун белгиленген мөөнөтүнөн өтүп кеткен.
Депутат ошондой эле кырсыктан кийин укук коргоо органдарына жана муниципалдык кызматтарга кайрылганын, бирок жооп катары жабдууларды алмаштыруу үчүн ТСЖ түзүү сунушталганын айтты.
Ал иш жүзүндө турак жай ээлеринин шериктештигин түзүү татаал процедура бойдон калып жатканын белгилеп, Бишкектеги лифттердин коопсуздугун көзөмөлдөөнү күчөтүүгө чакырды.
