Окуучулар кабылган жол кырсык: реанимациядагы бала комадан чыкты

10 жаштагы окуучунун ээгине жана жамбаш сөөгүнө операция жасалып, нейрохирургия бөлүмүнө которулду. Абалы жакшы, дарыгерлер ушул жума үйүнө чыгарабыз деп үмүт кылууда. 

Эске салсак, 20-апрель күнү «Манас» аэропортуна кетип бараткан жолдо кенже класстын балдары автокырсыкка кабылган. Мектепке чыккан автобусту артынан келе жаткан Go BUS маршруткасы сүзгөн. №3 ооруканага 27 бала түшүп, үчөө ошол эле күнү үйүнө кайткан. Андан кийин дагы 15 окуучу чыгарылган.