1-октябрдан тарта пенсиянын камсыздандыруу бөлүгүн 38%га жогорулатуу пландалууда

Бул тууралуу Соцфонддун өкүлү Жеңишбек Муканбетов “Ала-Тоо 24” программасында берген маегинде билдирди.  

Бирок иш стажы жана камсыздандыруу төлөмдөрү аз болгон пенсионерлер эске алынып, токтом долбоору иштелип чыккан.  

“Ал кишилерге 38%га көтөрүп койсок, 1000 сомго 380 сом кошулат, 10 миң сом алганга 3800 кошулат. Бул жерде теңсиздик болбошу үчүн долбоордо 38%, бирок төмөнкү кепилденген өлчөмү 500 сомдон кем болбосун деп жазылган. Азыр министрлер кабинети менен макулдашуу жүрүп жатат, дагы өзгөртүүлөр болушу мүмкүн. Азырынча биздин эсеп менен болжолдуу түрдө 1000, 1200 же 3000 сом кошулушу мүмкүн”, — деди Муканбетов.