Бишкек мэриясы борбордун негизги жолдору кеңейтилерин айтты. Тизме

Бишкек шаарынын негизги жолдору кеңейтилет. Бул тууралуу калаа мэри Эмилбек Абдыкадыров журналисттерге берген маегинде билдирди.

Абдыкадыровдун айтымында, Бишкектеги алты көчө эмки жылдан тарта кеңейтиле баштайт.

“Чүй проспектиси, “Фучик, Жибек-Жолу, Ахунбаев, Байтик Баатыр көчөлөрүндөгү латокторду алып, анын ордуна трубаларды жаткырып, ошонун эсебинен жолдорду кеңейткени турабыз”, – деди Абдыкадыров.

Калаа жетекчиси иштер шаардыктардын талап, суранычтарынын негизинде жасалып жатканын кошумчалады.