Жогорку Кеңешке жаңы депутат келди. Ал “Ата-Журт Кыргызстандын” өкүлү Чынберди Төлөнов

Борбордук шайлоо комиссиясы кечээ ага депутаттык күбөлүк менен төш белги тапшырды. Төлөнов жеке компанияларда иштеп келген. 2019-жылы президенттик аппараттын Мамлекеттик имараттар департаментин жетектеген.

Жаңы депутат «Ата-Журт Кыргызстан» партиясынын өкүлү. Ал жасалма диплому үчүн мандатынан кол жууган Фархат Исмаиловдун ордуна келди. Исмаилов бул боюнча бир нече жолу сотко кайрылган, жыйынтыгында Жогорку сот дагы анын дипломун жараксыз деп тапкан.