УКМК: “Фейсбукта” провокациялуу маалыматтарды жарыялаган жаран аныкталды

Бул туурасында УКМКнын Басма сөз кызматынан билдирди.

Маалыматта айтылгандай, КР УКМК тарабынан К.К. аттуу КР жаранынын “Фейсбук”   социалдык түйүнүндө КР Кылмыш-жаза мыйзамдарында каралган кылмыш иши болуп саналган, региондорго таандык белгилери боюнча жарандардын өзгөчөлүгүн пропагандалоого багытталган тенденциялуу, провокациялык материалдарды жарыялаган ишмердиги аныкталып, ага бөгөт коюлду.

2024-жылдын 09-январында К.К.нын үйүндө тинтүү жүрүп, КРде аймактар аралык тынчтыкка жана ынтымакка каршы кылмыш жасоого колдонулган, буюм далили катары уюлдук телефон табылып алынган.

Учурда тергөө иштери жүрүп жатат.