Жогорку кеңешке 2 жаңы депутат келди

Эмил Жамгырчиев мандатынан ажыратылып, ордуна Элдар Абакиров депутат болуп келди.

Жамгырчиев өзү БШКга ыйгарым укуктарын мөөнөтүнөн мурда токтотуу тууралуу арыз жазган. Мындан улам бош калган орунду “Альянс” фракциясынын кийинки тизмесинде турган талапкер  алмак. 

Жамгырчиев чек арадан мыйзамсыз өтүүгө айыпталып, тергөө абагына камалган. Абакиров ишкер, мурда экономика министринин орун басары болуп иштеген. 

“Альянстын” дагы бир депутаты Фарходбек Алимжанов диплом чырынан улам мандатынан кол жууган. Анын креслосун 36 жаштагы Айсулуу Мамашов ээледи. Ал Жогорку Кеңештин VI чакырылышынын депутаты болгон.