Кыргызстанда 77 миңден ашуун адам коронавируска каршы эмделди

Бүгүнкү күндө Кыргыз өлкөсү боюнча 77 миңден ашуун адам эмделди. Бул тууралуу мамлекеттик санитардык-эпидемиологиялык көзөмөл борборунун эмдөө бөлүмүнүн башчысы Бурул Асыкбекова брифинг учурунда билдирди.

«Республика боюнча бүгүнкү күндө 77 миң 481 адам эмдөөдөн өттү. Анын ичинен Бишкек шаарында 22 миң 266 адам эмделди. Экинчи доза менен эмделгендердин саны 6 миң 266 адам. Эмдөө алгандардын арасында татаалдашууга, өлүмгө учурагандар болгон жок. Эмдөө 18 жаштан өткөн бардык каалоочуларга жасалды», — деп билдирди Асыкбекова.