Ошто курулушта иштеп жаткан 16 жаштагы жигит 13-кабаттан кулап каза болду

Кырсык 5-октябрда, Шамшиев, 1 дарегинде болгонун Ош ШИИБинен билдиришти.  

Маркум ал жерде убактылуу келишим менен жумушка кирип, курулуш калдыктарын чогултуп иштеп жүргөн. Ал Өзгөн районунун тургуну, Ош мамлекеттик университетинин Финансы жана кредит колледжинин студенти экени айтылды.  

Учурда жашы жете элек бала жумушка мыйзамдуу түрдө алынгандыгы, коопсуздук чараларынын сакталгандыгы боюнча тергөө иштери жүрүп жатат.