Садыр Жапаров Жалал-Абаддагы дагы бир чакан ГЭСти ачты

Ал Токтогул районунда жайгашкан, кубаттуулугу 9,6 МВт. Эки гидроагрегаты бар гидроэлектростанция 9 айда курулган. 

Инвестицияга 9,3 млн доллар тартылганы маалым. Ага чет элдик банк менен Россия-Кыргыз өнүктүрүү фонду да салым кошкон. 

ГЭС жылына 39,2 млн киловат/саат энергияны иштеп чыгып, Үч-Терек айыл өкмөтүнүн жана Кара-Көл шаарынын бир бөлүгүнүн жашоочуларын электр энергиясы менен камсыздайт.