Кыргызстанда онкологиялык оорулар «жашарып» баратат

Учурда Кыргызстанда 33493 адам онкологиялык оорулар менен каттоодо турушат. Бул тууралуу Онкология жана гематология улуттук борборунун жетекчиси Бактыгүл Султангазиева билдирди.

Айтымында, Кыргызстанда жыл сайын 3100 онкологиялык ооруларга чалдыкка адам аныкталат, дарт «жашарып» баратат.

«Рактын өөрчүшүнө көптөгөн факторлор: тамак-аш, жашоо образы, эндокринологиялык көйгөйлөр, вирустар, стресс ж.б. себепчи болууда.

Биздин борбор зарыл аппараттар менен жабдылган башкы мекеме. Кызматкерлерибиз аймактарга барып лекция окушат жана дарылоонун жаңы ыкмаларын айтып беришет. Өлкөнүн аймактарында онкологдор жокко эсе», — дейт Султангазиева.