Ангус породасындагы уйдан 1 тоннага чейин эт алып, Кыргызстандын мал чарба жаатындагы чемпиону болду

Мекендеш асыл тукум мал чарбачылыгы менен 4 жылдан бери алектенип келет. Айтымында, Ангус породасындагы бир уйдан 3 жылда 1 тоннага чейин эт алса болот. Ал эми жөнөкөй тукумдагы уйлар 1 жылда 130-150 кг эт берсе, асыл тукумдары 600-700 кг эт берет. Азыркы учурда фермердин 40 баш асыл тукум мал жандыгы бар. 

Багбанчылык жаатында да чемпиондор катталды. Фермер Нурбек Өтөгөнов 1 гектар жерден 37 тонна кулпунай алып чемпион аталса, Нурсултан Уланбек уулу 1 гектардагы 2 миң түп алма багынан 25-30 тонна түшүм жыйнаган. 

Азамат Маджиков аттуу багбан 1 гектар жердеги 300 түп гилас багынан 4 тонна түшүм жыйнап, чемпион болду.